ವಾಷಿಂಗ್ಟನ್: ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್(ಎಫ್‌ಬಿಐ) ನ ಹೊಸ ನಿರ್ದೇಶಕರಾಗಿ ಭಾರತೀಯ ಮೂಲದ ಕಾಶ್ ಪಟೇಲ್ ಅವರನ್ನು ಅಮೆರಿಕ ಸೆನೆಟ್ ಅನುಮೋದಿಸಲು ಸಜ್ಜಾಗಿದೆ. ಇದರೊಂದಿಗೆ, 44 ವರ್ಷದ ಪಟೇಲ್ ಅವರು ಎಫ್‌ಬಿಐ ಮುಖ್ಯಸ್ಥರಾಗಿರುವ ಮೊದಲ ಭಾರತೀಯ ಅಮೇರಿಕನ್ ಆಗಲಿದ್ದಾರೆ. ಅವರು 51/47 ಮತಗಳೊಂದಿಗೆ ದೃಢೀಕರಣವನ್ನು ಪಡೆದಿದ್ದಾರೆ. ಮಾಜಿ ಗುಪ್ತಚರ ಅಧಿಕಾರಿ ಮತ್ತು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಕಟ್ಟಾ ಮಿತ್ರ ಪಟೇಲ್ ಉನ್ನತ ಹುದ್ದೆ ಅಲಂಕರಿಸಿದ್ದಾರೆ.
ಡೆಮೋಕ್ರಾಟ್‌ಗಳ ವಿರೋಧದ ಹೊರತಾಗಿಯೂ ಕಟ್ಟಾ ರಿಪಬ್ಲಿಕನ್ ಆಗಿರುವ ಪಟೇಲ್ ಅಧ್ಯಕ್ಷರ ರಾಜಕೀಯ ಶತ್ರುಗಳನ್ನು ಗುರಿಯಾಗಿಸಲು ಏಜೆನ್ಸಿಯನ್ನು ಬಳಸಬಹುದು ಎಂದು ಎಚ್ಚರಿಸಿದ್ದಾರೆ. ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಎಫ್‌ಬಿಐ ನಿರ್ದೇಶಕರ ನೇಮಕವು ಸಾಮಾನ್ಯವಾಗಿ 10 ವರ್ಷಗಳ ಅವಧಿಗೆ ಇರುತ್ತದೆ, ಆದರೆ ಅವರನ್ನು ಅಧ್ಯಕ್ಷರು ತೆಗೆದುಹಾಕಬಹುದು. ಕ್ರಿಸ್ಟೋಫರ್ ವೋ ಅವರನ್ನು 2017 ರಲ್ಲಿ ಈ ಸ್ಥಾನಕ್ಕೆ ನೇಮಿಸಲಾಯಿತು. ಆದಾಗ್ಯೂ, ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರನ್ನು ವಜಾಗೊಳಿಸುವುದಾಗಿ ಪ್ರತಿಜ್ಞೆ ಮಾಡಿದರು, ಇದು ಅಂತಿಮವಾಗಿ ಬಿಡೆನ್ ಆಡಳಿತದ ಅಂತ್ಯದ ವೇಳೆಗೆ ಅವರು ರಾಜೀನಾಮೆ ನೀಡಲು ಕಾರಣವಾಯಿತು.
ಕಾಶ್ ಪಟೇಲ್ ಅವರ ಹಿನ್ನಲೆ ಏನು ?
ನ್ಯೂಯಾರ್ಕ್ನ ಗಾರ್ಡನ್ ಸಿಟಿಯಲ್ಲಿ ಫೆಬ್ರವರಿ 25, 1980 ರಂದು ಜನಿಸಿದ ಕಾಶ್ ಪಟೇಲ್ ಗುಜರಾತಿ ಭಾರತೀಯ ಮೂಲದವರು. ಪಟೇಲ್ ಅಮೆರಿಕದಲ್ಲಿ ಜನಿಸಿದರೂ, ಅವರ ಬೇರುಗಳು ಗುಜರಾತ್‌ ಸೇರಿವೆ. ಅವರ ತಾಯಿ ಟಾಂಜಾನಿಯಾದವರು, ಅವರ ತಂದೆ ಉಗಾಂಡಾದವರು. 1970 ರ ದಶಕದಲ್ಲಿ. ಅವರ ಕುಟುಂಬ ಕೆನಡಾದಿಂದ ಅಮೆರಿಕಕ್ಕೆ ವಲಸೆ ಬಂದಿತು. ಸಂದರ್ಶನವೊಂದರಲ್ಲಿ, ಪಟೇಲ್ ಹೆಮ್ಮೆಯಿಂದ “ನಾವು ಗುಜರಾತಿಗಳು” ಎಂದು ಹೇಳಿದ್ದರು.
ಅವರು ರಿಚ್ಯಂಡ್ ವಿಶ್ವವಿದ್ಯಾಲಯದಿಂದ ಪದವಿ ಪಡೆದಿದ್ದಾರೆ ಮತ್ತು ನಂತರ ಪೇಸ್ ವಿಶ್ವವಿದ್ಯಾಲಯದ ಕಾನೂನು ಶಾಲೆಯಿಂದ ಜ್ಯೂರಿಸ್ ಡಾಕ್ಟರ್ ಪದವಿಯನ್ನು ಪಡೆದರು. 44 ವರ್ಷದ ಪಟೇಲ್ ಅವರು ಟ್ರಂಪ್ ಆಡಳಿತದಲ್ಲಿ ಪ್ರಮುಖ ಪಾತ್ರ ವಹಿಸಿದರು, 2017 ರಲ್ಲಿ ಟ್ರಂಪ್ ಅಧ್ಯಕ್ಷತೆಯ ಕೊನೆಯ ವಾರಗಳಲ್ಲಿ ಅಮೆರಿಕದ ರಕ್ಷಣಾ ಕಾರ್ಯದರ್ಶಿಯ ಮುಖ್ಯಸ್ಥರಾಗಿ ಸೇವೆ ಸಲ್ಲಿಸಿದರು.
