ಯಮಕನಮರಡಿ: ಚಿಕ್ಕೋಡಿ ವಿಭಾಗದ ಹುಕ್ಕೇರಿ ತಾಲ್ಲೂಕಿನ ಬೆಳ್ಳಂಕಿ ಗ್ರಾಮವನ್ನು 24 ಗಂಟೆ ನಿರಂತರವಾಗಿ ಕುಡಿಯುವ ನೀರನ್ನು ಪೂರೈಸುವ ಮೊದಲ ಗ್ರಾಮವನ್ನಾಗಿ ಗುರುತಿಸಿ ಶುಕ್ರವಾರ ಅಧಿಕೃತವಾಗಿ ಘೋಷಿಸಲಾಯಿತು.
ಈ ಯೋಜನೆ ಜಿಲ್ಲಾ ಪಂಚಾಯತ್ ಬೆಳಗಾವಿ, ಗ್ರಾಮೀಣ ಕುಡಿಯುವ ನೀರು ಮತ್ತು ನೈರ್ಮಲ್ಯ ಇಲಾಖೆ – ಚಿಕ್ಕೋಡಿ ವಿಭಾಗ, ತಾಲೂಕು ಪಂಚಾಯತ್ ಹುಕ್ಕೇರಿ, ಮತ್ತು ಗ್ರಾಮ ಪಂಚಾಯತ್ ಬೆಳ್ಳಂಕಿ ಸಹಯೋಗದಲ್ಲಿ ಜಾರಿ ಮಾಡಲಾದ ಕೋಟ ಜಲ ಜೀವನ ಮಿಷನ್ ಯೋಜನೆ ಅಡಿಯಲ್ಲಿ ಮೂಡಿಬಂದಿದೆ. ಇದರ ಅಂಗವಾಗಿ ಕರ್ನಾಟಕ ಸುಸ್ಥಿರ ಗ್ರಾಮೀಣ ಕುಡಿಯುವ ನೀರು ಸರಬರಾಜು ಯೋಜನೆಯಡಿ ನಿರಂತರ ನೀರು ಪೂರೈಕೆ ಹಾಗೂ ನಿರ್ವಹಣಾ ವ್ಯವಸ್ಥೆ ಅನುಷ್ಟಾನಗೊಳ್ಳುತ್ತಿದೆ.
ಈ ಮಹತ್ವದ ಘೋಷಣೆಯ ಸಂದರ್ಭದಲ್ಲಿ ವಿವಿಧ ಅಧಿಕಾರಿಗಳು ಮತ್ತು ಗಣ್ಯರು ಹಾಜರಿದ್ದರು. ಪ್ರಮುಖವಾಗಿ:
- ಪಾಂಡುರಂಗ ರಾವ್ (ಮಾನ್ಯ ಕಾರ್ಯನಿರ್ವಾಹಕ ಅಭಿಯಂತರ)
- ದಯಾನಂದ ಪಾಟೀಲ (ಸಚಿವರ ಆಪ್ತ ಸಹಾಯಕ)
- ಪಿ.ಆರ್. ಮಲ್ಲಾಡದ (ತಾಲೂಕು ಕಾರ್ಯನಿರ್ವಾಹಕ ಅಧಿಕಾರಿ)
- ವಿನಾಯಕ ಪೂಜಾರ (ಸಹಾಯಕ ಕಾರ್ಯನಿರ್ವಾಹಕ ಅಭಿಯಂತರ)
- ಚೇತನ್ ಕದಕೋಳ, ಅಭಿಷೇಕ್ ಪವಾರ್, ಸಂತೋಷ್ ಪಾಟೀಲ
- ದೀಪಕ್ ಕಾಂಬಳೆ (ಜಿಲ್ಲಾ ಯೋಜನಾ ವ್ಯವಸ್ಥಾಪಕ)
- ಮಲ್ಲಯ್ಯ ಮಠಪತಿ, ನವೀನ್ ಕಟವಿ (ಡಿಟಿಎಸಯ)
- ಸಂತೋಷ್ ಕಬ್ಬಗೋಳ (ಪಿಡಿಒ)
- ಸುಧಾ ಪಾಟೀಲ (ಗ್ರಾಮ ಪಂಚಾಯತ್ ಅಧ್ಯಕ್ಷೆ), ಅಪ್ಪಾ ಹರಾಡೆ (ಉಪಾಧ್ಯಕ್ಷ) ಮತ್ತು ಸದಸ್ಯರು
ಅದಷ್ಟೇ ಅಲ್ಲದೆ, ಗ್ರಾಮ ನೀರು ಮತ್ತು ನೈರ್ಮಲ್ಯ ಸಮಿತಿಯ ಸದಸ್ಯರು, ಆಶಾ ಮತ್ತು ಅಂಗನವಾಡಿ ಕಾರ್ಯಕರ್ತೆಯರು, ಹಾಗೂ ಗ್ರಾಮಸ್ಥರ ಸಹಭಾಗಿತ್ವವೂ ಉತ್ಸಾಹಭರಿತವಾಗಿತ್ತು.
ಈ ಮುಂದಾಳುವಿಕೆಯಿಂದ ಬೆಳ್ಳಂಕಿ ಗ್ರಾಮಕ್ಕೆ ನಿರಂತರ, ನಿರ್ವಹಿತ ಮತ್ತು ಸುಸ್ಥಿರ ನೀರು ಸರಬರಾಜು ವ್ಯವಸ್ಥೆ ಒದಗಿಸಲಿದ್ದು, ಇತರ ಗ್ರಾಮಗಳಿಗೆ ಮಾದರಿಯಾಗಲಿದೆ.
ವರದಿ: ಕಲ್ಲಪ್ಪ ಪಾಮನಾಯಿಕ್
ನಮ್ಮೂರ ಧ್ವನಿ ನ್ಯೂಸ್
ಸುದ್ದಿ ಮತ್ತು ಜಾಹೀರಾತಿಗಾಗಿ ಸಂಪರ್ಕಿಸಿ
+91 9164577143
