ಹುಕ್ಕೇರಿ: ತಾಲೂಕಿನ ಕೆ.ಪಿ.ಎಸ್ ಯರಗಟ್ಟಿ ಶಾಲೆಯಲ್ಲಿ ಶಿಕ್ಷಕರು ಮಕ್ಕಳಿಗೆ ಮಾದರಿಯಾಗಿದ್ದಾರೆ. ಒಬ್ಬ ಗುರು ತನ್ನ ಶಿಷ್ಯರನ್ನು ತಿದ್ದಬೇಕೆಂದರೆ ತಾನು ಸ್ವತಃ ಆದರ್ಶ ಶಿಕ್ಷಕನಾಗಿರಬೇಕು ಎಂದು ಹೇಳುತ್ತಾರೆ. ಅಂತಹ ಮಾದರಿ ಶಿಕ್ಷಕರು ಕೆಪಿಎಸ್ ಯರಗಟ್ಟಿ ಶಾಲೆಯಲ್ಲಿ ನಮಗೆ ಕಾಣ ಸಿಗಬಹುದು. ಅಂತಹ ಔದಾರ್ಯವನ್ನ ಶಿಕ್ಷಕರು ಮೆರೆದಿದ್ದಾರೆ.
ಎಸ್.ಎಸ್.ಎಲ್.ಸಿ ಆಂಗ್ಲ ಮಾಧ್ಯಮದಲ್ಲಿ ವಿಜ್ಞಾನ ವಿಷಯದ ಅಥಿತಿ ಶಿಕ್ಷಕರಾದ ಶ್ರೀಮತಿ ಅಶ್ವಿನಿ.ಸುತಾರ ಅವರು ಮಕ್ಕಳಿಗೆ 5 ವರ್ಷಗಳ ಬೋರ್ಡ್ ಪ್ರಶ್ನೆ ಪತ್ರಿಕೆಗಳು ಹಾಗೂ ಉತ್ತರ ಪತ್ರಿಕೆಗಳನ್ನು ಕಲೆಹಾಕಿ ಪ್ರಿಂಟ್ ಮಾಡಿಸಿ ಸ್ಪೈರಲ್ ಬ್ಯಾಂಡ್ ಮಾಡಿಸಿ ಉಚಿತವಾಗಿ ಮಕ್ಕಳಿಗೆ ಹಂಚಿ ಇತರರಿಗೆ ಮಾದರಿಯಾಗಿದ್ದಾರೆ.
ಇನ್ನೊರ್ವ ಅಥಿತಿ ಶಿಕ್ಷಕರಾದ ಶ್ರೀದೇವಿ.ಕಂಬಾರ ಅವರು ಮಾರ್ನಿಂಗ್ ವೇಕ್ ಅಪ್ ಕಾಲ್ ಮಾಡಲು ದತ್ತು ಪಡೆದ ಮಗು ರಿಚಾರ್ಜ್ ಇಲ್ಲಾ ಅಂದಾಗ 250/- ರೂ ರಿಚಾರ್ಜ್ ಮಾಡಿಸಿ ದತ್ತು ಪಡೆದ ಮಗುವಿನ ಓದಿಗೆ ಸಹಕರಿಸಿದ್ದಾರೆ. ಜೊತೆಗೆ ಇನ್ನೊರ್ವ್ ಅಥಿತಿ ಶಿಕ್ಷಕರು ಮಕ್ಕಳಿಗೆ ಬಿಡಿಸಲು ಉಚಿತವಾಗಿ ಪೇಪರ್ಸ್ ಕೊಟ್ಟು ರಿವಿಜನ್ ಮಾಡಿಸಲು ಸಹಾಯ ಮಾಡಿದ್ದಾರೆ.
ಹಾಗೆಯೇ, ಮತ್ತೊಬ್ಬ ಅಥಿತಿ ಶಿಕ್ಷಕರಾದ ಗಜಾನನ ಕುಂದಗೋಳ ಅವರು ಮಕ್ಕಳಿಗೆ ಸಮಯದ ಅರಿವನ್ನು ಮೂಡಿಸಲು ವಾಚ್ ಗಿಫ್ಟ್ ಕೊಟ್ಟಿದ್ದಾರೆ.
ಈ ಎಲ್ಲಾ ಗುರು ವೃಂದಕ್ಕೆ ನಮ್ಮೂರ ಧ್ವನಿ ಸುದ್ದಿ ವಾಹಿನಿಯ ಕಡೆಯಿಂದ ಅನಂತ ಅಭಿನಂದನೆಗಳು.💐🌟😊
