ಹುಕ್ಕೇರಿ: ತಾಲೂಕಿನ ಹತ್ತರಗಿ ಟೋಲ್ ಮತ್ತು ನಿಪ್ಪಾನಿ ಹತ್ತಿರದ ಕೊಗನ್ನೋಳಿ ಟೋಲ್ ಪ್ಲಾಜಾದಲ್ಲಿ ರಸ್ತೆ ಸುರಕ್ಷತಾ ಜಾಗೃತಿ ಕಾರ್ಯಕ್ರಮವನ್ನು ಮಹಿಳಾ ಕಲ್ಯಾಣ ಸಂಸ್ಥೆ ಮತ್ತು NHIT ಹತ್ತರಗಿ ಹಾಗೂ ಕೊಗನ್ನೋಳಿಯವರು ಸಹಭಾಗಿತ್ವದಲ್ಲಿ ನಡೆಸಲಾಯಿತು.
ಹತ್ತರಗಿ ಟೋಲ್ ಪ್ಲಾಜಾದಲ್ಲಿ ಶ್ರೀಮತಿ ಸುರೇಖಾ ಪಾಟೀಲ ಅವರು ಎಲ್ಲ ಅಥೀತಿಗಳಿಗೆ ತಮ್ಮ ಭಾಷಣದ ಮೂಲಕ ಸ್ವಾಗತವನ್ನು ಕೋರಿದರು. ಪೂರ್ವದಲ್ಲಿ ವಿಘ್ನೇಶ್ವರನ ಅಷ್ಟ ವಿಘ್ನ ಮಂತ್ರವನ್ನು ಪಠಿಸಿ ನಂತರ ತಮಟೆ ವಾದ್ಯವನ್ನು ಬಾರಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.
ಕಾರ್ಯಕ್ರಮದಲ್ಲಿ ರಸ್ತೆ ಸುರಕ್ಷತೆಯ ಬಗ್ಗೆ ಅರಿವು ಮೂಡಿಸಲು ಬೀದಿ ನಾಟಕ ಪ್ರದರ್ಶನವನ್ನು ಮಾಡಲಾಯಿತು. ರಂಗ ದರ್ಶನ ಕಲಾ ತಂಡವು ನಟನೆಯಲ್ಲಿ ನೆರೆದಿದ್ದ ಜನರ ಗಮನ ಸೆಳೆದರು. “ನಮ್ಮ ಗಾಡಿ ನಮ್ಮ ಸುರಕ್ಷತೆ ” ಮತ್ತು ನಿಮ್ಮ ಜೀವ ನಿಮ್ಮ ಕೈಯಲ್ಲಿ ” ಎಂಬ ಘೋಷ ವಾಕ್ಯಗಳು ಮೊಳಗಿದವು.
ಆನಂತರ ಕೊಗನ್ನೋಳಿ ಟೋಲ್ ದಲ್ಲಿ, ಕಾರ್ಯಕ್ರಮವನ್ನು ನರೇಂದ್ರ ಚೌದರಿಯವರ ಅಧ್ಯಕ್ಷತೆಯಲ್ಲಿ ಆರಂಭಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಕೊಗನ್ನೋಳಿ ಶಾಲಾ ಮಕ್ಕಳು ಭಾಗವಹಿಸಿದ್ದರು. ಇಲ್ಲಿಯೂ ಸಹ ರಸ್ತೆ ಸುರಕ್ಷತಾ ಬೀದಿ ನಾಟಕವನ್ನು ರಂಗ ದರ್ಶನ ಕಲಾ ತಂಡದವರು ಬಹಳ ರಮನೀಯವಾಗಿ ನಟಿಸಿ ತೋರಿಸಿದರು. ನಂತರ ರಸ್ತೆ ಸುರಕ್ಷತೆಯ ಬಗ್ಗೆ ಹಮ್ಮಿಕೊಂಡ ಚಿತ್ರಕಲಾ ಸ್ಪರ್ಧೆಯಲ್ಲಿ ಭಾಗವಹಿಸಿದ ಮಕ್ಕಳಿಗೆ ಪ್ರಶಸ್ತಿಗಳನ್ನು ವಿತರಿಸಲಾಯಿತು.
ಈ ಕಾರ್ಯಕ್ರಮದಲ್ಲಿ ನರೇಂದ್ರ ಚೌದರಿ, ಸುರೇಖಾ ಪಾಟೀಲ, ರವಿಂದ್ರ ಪಟೇಲ್ ಮತ್ತು ಸಾರ್ವಜನಿಕರು, ಶಾಲಾ ಮಕ್ಕಳು, ಕಲಾವಿದರು, ಚಾಲಕರು, ಮಹಿಳಾ ಕಲ್ಯಾಣ ಸಂಸ್ಥೆಯ ಹಾಗೂ NHITಯ ಸಿಬ್ಬಂದಿಗಳು ಭಾಗವಹಿಸಿದ್ದರು.
