ಜಮ್ಮು ಮತ್ತು ಕಾಶ್ಮೀರ: ಇಲ್ಲಿನ ಅನಂತನಾಗ ಜಿಲ್ಲೆಯ ಕಾಕರ್ನಾಗ ಪ್ರದೇಶದಿಂದ ಭಯೋತ್ಪಾದಕರು ಮಂಗಳವಾರ ಪ್ರಾದೇಶಿಕ ಸೇನಾ ಜವಾನನನ್ನು ಅಪಹರಿಸಿದ್ದಾರೆ. ಇನ್ನೊಬ್ಬ ಜವಾನ ಸ್ಥಳದಿಂದ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. ಯೋಧನ ಅಪಹರಣದ ನಂತರ ಭಾರತೀಯ ಸೇನೆಯು ಭಾರಿ ಶೋಧ ಕಾರ್ಯಾಚರಣೆಯನ್ನ ಪ್ರಾರಂಭಿಸಿದೆ.
ಕಾಣೆಯಾದ ಜವಾನನ ಬಗ್ಗೆ ಸುಳಿವುಗಳಿಗಾಗಿ ಸುತ್ತಮುತ್ತಲಿನ ಪ್ರದೇಶಗಳನ್ನ ಹುಡುಕಲು ಪ್ರಾರಂಭಿಸಿದ್ದಾರೆ. 2020 ರಲ್ಲಿ, ಟೆರಿಟೋರಿಯಲ್ ಆರ್ಮಿ ಸೈನಿಕ ಶಕೀರ್ ಮನ್ಸೂರ್ ವೇಜ್ ಅವರನ್ನ ಕಾಶ್ಮೀರದಲ್ಲಿ ಒತ್ತೆಯಾಳಾಗಿ ತೆಗೆದುಕೊಂಡಾಗ ಭಯೋತ್ಪಾದಕರು ಇದೇ ರೀತಿಯ ಹೇಡಿತನದ ಕೃತ್ಯವನ್ನು ನಡೆಸಿದ್ದರು.
ಹಿಂದಿನ ಘಟನೆಯ ವಿವರ:
ಐದು ದಿನಗಳ ನಂತರ ಅವರ ಕುಟುಂಬ ಸದಸ್ಯರು ಮನೆಯ ಬಳಿ ಅವರ ಬಟ್ಟೆಗಳನ್ನ ಕಂಡುಕೊಂಡರು. ಜಮ್ಮು ಮತ್ತು ಕಾಶ್ಮೀರದ ಶೋಪಿಯಾನ್ ಜಿಲ್ಲೆಯ ತನ್ನ ಮನೆಯಿಂದ 24 ವರ್ಷದ ಯೋಧ ನಾಪತ್ತೆಯಾಗಿದ್ದರು.
ವಿಶೇಷವೆಂದರೆ, ಅವರು ತಮ್ಮ ಕುಟುಂಬದೊಂದಿಗೆ ಈದ್ ಆಚರಿಸಲು ಮನೆಗೆ ಹೋಗಿದ್ದರು. ಅಪಹರಣದ ಸಮಯದಲ್ಲಿ, ಭಯೋತ್ಪಾದಕರು ಅವರ ಕಾರನ್ನು ಸಹ ಸುಟ್ಟುಹಾಕಿದ್ದರು. ಯೋಧನನ್ನು ದಕ್ಷಿಣ ಕಾಶ್ಮೀರದ ಬಾಲಾಪುರದ 162-ಟಿಎನಲ್ಲಿ ನಿಯೋಜಿಸಲಾಗಿತ್ತು. ಶೋಧ ಕಾರ್ಯಾಚರಣೆಯ ನಂತರವೂ ಸೇನೆಗೆ ಅವನನ್ನ ಕಂಡುಹಿಡಿಯಲು ಸಾಧ್ಯವಾಗಲಿಲ್ಲ. ಒಂದು ವರ್ಷದ ನಂತರ ಸೆಪ್ಟೆಂಬರ್ ನಲ್ಲಿ ಅವರ ಶವ ಪತ್ತೆಯಾಗಿದೆ. ಕಾಶ್ಮೀರದ ಕುಲ್ಗಾಮ್ ಜಿಲ್ಲೆಯಲ್ಲಿ ಅವರ ಶವ ಪತ್ತೆಯಾಗಿದೆ. ಶವವನ್ನು ಗುರುತಿಸಲು ಪೊಲೀಸರು ಅವರ ಕುಟುಂಬವನ್ನು ಸಂಪರ್ಕಿಸಿದರು, ಅದು ಅವರದ್ದೆ ದೇಹ ಎಂದು ದೃಢಪಡಿಸಿದರು.
